【 ★★★ भक्ती विना उद्धार नाही कुणाचा, भक्तीसाठी निर्धार पाहिजे मनाचा ★★★ 】

★ "निष्काम निरपेक्ष ईश्वर भक्ती,

सेवकास लाभे सायुज्य मुक्ती"

महाणत्यागी बाबा जुमदेवजींनी एका भगवंताची प्राप्ती अथक परिश्रमाने करुनिया, जागविण्या दुःखी मानवा निष्काम व निस्वार्थ भक्तिभावाने मानवांना दाखविला सत्याचा मार्ग व मानवांना सेवक बनवुन दिले दैवी शक्तीचे गुण.

हेच गुण अंगिकारुन सेवकांनी प्रपंचाची आसक्ती, धनाची प्राप्ती व मान सन्मानाच्या चढाओढीत आयुष्य न घालविता, आपले हिताहित कशात आहे, जिवनाचा सार्थ कशामध्ये आहे, सेवकांच्या जिवनाचा उद्धार कशात आहे याचा सारासार विचार करून आपल्या प्रापंचीक जिवनातील थोडा तरी वेळ काढुन परमार्थाच्या ईश्वरभक्तीत, संतसंगतीत, चर्चाबैठकीत, हवनकार्यामध्ये, ग्रंथ श्रवण, वाचन नाम, चिंतनात वेळ घालवणे गरजेचे आहे. जेणेकरुण सेवक ईश्वरभक्ती, दैविशक्ती, परमेश्वरी कृपा या सगळ्या अदुश्य शक्तिशाली गुनांणा ओळखले पाहीजे.

सेवकांना परमेश्वर कृपेचा, परमेश्वर प्राप्तीचा मार्ग महानत्यागी बाबा जुमदेवजींनी दाखविला आहे. दैवी शक्ती हा शब्द नित्याने बोलायला सोपा वाटत असला तरी मात्र प्रत्यक्ष जिवनात याचा दुष्टीकोण समजायला फारच अवघड आहे. तर त्यामध्ये आपणास सेवकांना काही गोष्टी समजून घेणे गरजेचे आहे. त्या अनुषंगाने म्हणायला हरकत नाही, की पापाने संसार आवडतो, पुण्याने देव आवडतो, ज्ञानाने देव माहीती पडतो, भक्तीने जीवनाचा उद्धार होतो व हाच उद्धार मानवधर्मामध्ये सेवकांना समाधानी ठेवत असतो. कारण मनुष्याला जन्माला आल्यानंतर परमेश्वर भक्ती, संत संगती, ग्रंथ श्रवण, वाचन, नामस्मरण न चुकता दररोज करणे हे मानवाचे प्रथम अनिवार्य कर्तव्य आहे. कारण या देहाचा सांभाळ हीच दैवी शक्ती करत असते हे विसरता कामा नये.

★ "बहुदा संस्कृती नरदेह लाभला,

भक्तीवीण गेला अधोगती"

प्रापंचिक संसार हे दुःख, चिंताग्रस्त, विज्ञानग्रस्त, मोह-माया-आहंकारानी वेढलेले आहे. ते सर्वश्रुत आहेच तरीसुद्धा प्रत्येक मनुष्य दुःखाचा संसार सुखी करण्यासाठी प्रयत्न करतो; परंतु कधीकाळी अपयश पदरी पडते. याचे मुख्य कारण - चुकलिया वर्म फेरा पडे! सेवकांचे वर्म चुकले की कर्म आपोआपच चुकतात आणि भावनेत जर चुकले तर कर्मानेही चुकते हे तितकेच खरे आहे. म्हणूनच सेवकांनी आपल्या संगती, सोबती, विचारात सदैव दैवी गुणांची साथ ठेवणे अत्यावश्यक आहे व त्या गुणांना अंगीकृत करून, दैनंदिन जिवनात आचरणात आनू तेव्हाच "वर्म - कर्म" या चक्रातुन बाहेर पडुन दैवी शक्तीच्या गुणांनी आनंदी जिवनाचा ऊपभोग घेवु शकतो.

आपणास जो नरदेह प्राप्त झालेला आहे आणि त्यामध्येच मानवधर्माचा शिकवणीचा, तत्व शब्द, नियमांचा, परमेश्वरी कृपेचा, एक मार्ग मिळाला आहे. तो मागिल अनंत जन्मापासून आपण केलेल्या सत्कर्माच्या पुण्याचे फलश्रुती होय की ज्यामुळे या दैवी शक्तिच्या अनुषंगाने वागले तर दुःखदारी दुर होवुन आपला उद्धार सुद्धा होईल.

★ "जेथे जातो तेथे तू माझा सांगाती,

चालविसी हाती धुळे निया"

भक्ती करणे म्हणजेच दैवी शक्तिवर, परमेश्वरावर, मानवधर्माच्या शिकवणीवर अत्यंत तुल, श्रद्धा, विश्‍वास व पक्का भरोसा आणी उत्तम फळ प्राप्तीचे निश्चिती होय. निष्काम, निरपेक्ष, ईश्वरभक्तीच्या मागोमाग शक्ती, मुक्ती, संपत्ती, संतती, नीती आणि ऊर्ध्वगती सेवकांच्या मागे धावत सुटतात तेसुद्धा खरे आहे.

भक्ती ही अद्भुत शक्ती आहे जिच्यामुळे ज्ञानाची प्राप्ती, यश व नीती, उत्तम गती प्राप्त होते. ईश्वर भक्ती करण्याचा अधिकार गरीब-श्रीमंत, उच्च-नीच, स्त्री-पुरुषांना, सर्वांनाच दिलेला आहे. सेवक परमेश्वराच्या आवडीने श्रद्धेने नामचिंतन करत असतो. बाबांनी दिलेल्या शिकवणीनुसार तत्व, शब्द, नियमांच्या चौकटीत राहून या सर्व गोष्टींचे तंतोतंत पालन करतो त्यालाच सायुज्य मुक्ती

मिळते. म्हणून आपण तत्त्व शब्द नियमांचे पालन करत राहावे आणि वरील गोष्टीचे चिंतन करत रहावे ही विनंती.

लेखन:- श्री. ज्ञानेश्वरजी लादे साहेब मु. सेंदुरजणा, जि. अमरावती

सोशल मिडिया प्रकाशन:- Parmatma Ek News & Info