पूर्व नागपुरातील HB टाऊन, पारडी चौक येथील उड्डाणपूल मेट्रो स्टेशनच्या खांबावर मानवधर्माचे संस्थापक महानत्यागी बाबा जुमदेवजी यांचे आकर्षक भित्तीशिल्प साकारण्यात आले आहे.

महामेट्रो आणि नागपूर महानगरपालिका यांच्या संयुक्त सौजन्याने लावण्यात आलेले हे शिल्प 'परमात्मा एक' सेवकांसाठी अत्यंत आनंदाची आणि अभिमानाची बाब ठरली आहे.

मानवधर्माचे संस्थापक बाबा जुमदेवजी यांच्या विचारांचा वारसा या कलाकृतीच्या माध्यमातून शहराच्या मध्यवस्तीत अधोरेखित झाला आहे. या वर्दळीच्या चौकातून प्रवास करताना आता सेवकांना आणि नागरिकांना बाबांच्या या गौरवपूर्ण शिल्पाचे दर्शन घडणार आहे. प्रशासनाने घेतलेल्या या निर्णयामुळे संपूर्ण सेवक परिवारात उत्साहाचे वातावरण असून, हा क्षण मानवधर्माच्या सेवकांसाठी एक मोठा सन्मान मानला जात आहे.

नमस्कार...

मुळ व्हिडिओ व फोटो सौजन्य : प्रफुल गभणे ( @praful.gabhane.52 )